BREAKING NEWS
Search

Wasiirka Caafimaadka oo ka Hadlay Dhakhaatiir Maleesiya Ka socda oo dalka yimid

Hargeysa (Foore)-Koox Dhakhaatiir ah oo ka socda dalka Maleesiya ayaa shalay wasiirka Caafimaadka Dr Xuseen Muxumed Maxamed (Xuseen Xoog) ku qaabilay xafiiskiisa, kuwaas oo ujeedada socdaalka ay ku yimaadeen Somaliland uu salka ku hayo sidii hawlgalo dhinaca Caafimaad ku taxaluqa ay uga fulin lahaayeen dalka.

Dhakhaatiirtan dalka Maleesiyada ka socda oo shalay aqoonsigooda iyo hawlaha Caafimaad ee ay ka fulin doonaan Somaliland macluumaadka la xidhiidha u gudbiyay wasiirka Caafimaadka Dr Xuseen Xoog, ayaa wasiirku sheegay in dhakhatiirtani ka socdaan dalka walaalaha aynu nahay ee Maleesiya, kuwaas oo uu tilmaamay inay S/land ka fulinayaan arrimo ku saabsan dhinaca Caafimaadka bulshada reer Somaliland.

Wasiir Xuseen Xoog oo shalay xafiiskiisa ugu xog waramay qaar ka mid ah saxaafada ayaa sheegay in kooxdan dhakhaatiirta Maleesiya ka socda ay Somaliland wax kala qaban doonaan inay hawlgalo Caafimaad ku dabiibaan dadka Bukaanka ah, isla markana dhawr kun oo qof baadhitaan iyo daawayn caafimaad oo kala duwan fulin doonaan.

Wasiirku waxa uu intaa ku daray inay soo dhawaynayaan dhakhaatiirtan xukuumad ahaan iyo ka wasaarad ahaanba, waxaanu xusay in dalka Maleesiya yahay wadan Somaliland dhinacyo badan wax kala qabta marka loo eego ardayda badan ee Jaamacadaha dalkaasi wax ka barta iyo xidhiidhka ka dhexeeya labada dal. Waftigan ka socda KPJ group of hospital waxay ka kooban yihiin Mr MOHD KHARUDDIN iyo Mr ANUAR ADNAN waxay wadanka u yimaadeen in ay u kuur galaan xaalada caafiimaad ee wadanka waxaanay ogaadeen in ay jirto baahi guud oo loo qabo hormarka caafimaad sidaa darteed waxay ka hawl gali doonaan cusbitaalada wadanka iyaga oo kala shaqayn doona dhinacyada kala duwan sida: in ay soo tababaraan kalkaaliyayaal caafimaad oo lagu tababari doono Malaysia in ay soo diri doonaan visiting doctors kuwaas oo mudo joogi doona dalka ka qayb qaadan doono qaliinka bukaan jiifka ee kaladuwan iyo inay ka caawin doonaan wixii agab caafimaad ah ee loo baahan yahay.




Leave a Reply

Your email address will not be published. Required fields are marked *