BREAKING NEWS
Search

Shir lagaga hadlayay nidaaminta basaska dadweynaha oo lagu qabtay xarunta D/Hoose

Hargeysa (Foore)- Shir lagaga hadlayay nidaaminta Gaadiidka basaska ayaa maanta lagu qabtay Xarunta Dawlada Hoose ee Caasimada Hargaysa, kaas oo lagu gorfeeyay sidii kor loogu qaadi lahaa Bilicda Caasimada.

Shirkan oo ay ka soo qebgaleen xoghayaha fulinta dawladda haoose Mawliid Waris Cabdilaahi, xildhibaan Ismaacil Cabdi Cigge (Caymis), xildhibaan khadar Axmed Like iyo agaasimaha cashuuraha Rabiile Cumar Aw Cabdi, ayaa waxay ku sheegeen in la bilaabay maanta diwaan galinta basaska, kuwaasi oo loo samaynayo nidaam ay ku shaqeynayaan, isla markaana la yareeyo cidhiidhiga ay suuqa ku hayaan.

Xoghayaha fulinta dawladda Hoose Mawliid Waris Cabdilaahi oo ka hadlay shirkan ayaa u soo jeediyay basaska dadweynaha inay dawladda Hoose kala shaqeeyaan nidaaminta basaska ka dhex shaqeeya magaaladda Hargeysa.

Waxa kale oo uu ugu baaqay shirkadaha isgaadhsiinta iyo laydhka inay xadhkahooda ka basriyaan oo ay kor uga qaadaan shaaricyada magaaladda. Waxaanu tilmaamay inay talaabo ka qaadi doonaan shirkadaha aan la jaan qaadin qorshaha dawladda Hoose ee wax ka qabashadda bilicda caasimadda.

Xoghayuhu wuxuu u qabtay shirkadaha isgaadhsiinta iyo kuwa laydhka inay muddo sadex maalmood ah ku habeeyaan xadhkahooda waddooyinka soo galay ee magaaladda Hargeysa
Dawladda hoose ee Hargeysa ayaa wali waxa ay ku guda jirtaa hawlgalkii lagu nidaaminayey suuqa Caasimada si loo soo celiyo bilicdii Caasimada Hargaysa.




Leave a Reply

Your email address will not be published. Required fields are marked *