Mark Bowden oo ka hadlay ujeedada socdaalkiisa Burco

Burco (Foore)- Xidhiidhiyaha Qarrammadda Midoobay ee arrimaha bani’aadanimo ee Somaliland/Somalia Mr. Mark Bowden ayaa maanta soo gaadhay magaalada Burco socdaal ku tagay magaaladda Burco, waxaana madaarka Burco si diiran ugu soo dhaweeyay masuuliyiinta gobolka iyo ururadda samo-falka maxaliga ah ee gobolka Togdheer.

Mark Bowden waxa uu krmeer indho indhayn ah ku soo maray qaar ka mid ah xafiisyada ururada bulshada ee mashaariicda ka qaata Ha’yadaha qarrammadda midoobay. Kuwaasi oo fulinya Barnaamij lagu Dhaqan-celinayo dhalinyarada darbijiifka ah kaasu oo lagu magacaabo kaasi oo ay fulinayaan afar urur oo ka tirsan ururada ka hawlgala gobolka Togdheer.
Mar Bowden waxa uu ujeedada socdaalkiisa kaga hadlay shir jaraa’id oo uu ku qabtay Huteelka City Plaza Huteel, waxaanu yidhi “Socdaalkaygu Burco ee xiligani waa mid salka ku haya in aan soo ogaano xaqiiqada iyo sida uu u hirgalay mashruuca dhaqan celinta loogu samaynayo dhalinyarada darbijiifka ah ee u nugul khataraha taasi oo ay iska kaashanayaan hayadaha qaramada midoobay iyo xukuumada Somaliland waxaana aad ugu faraxsanahay in barnaamijkani uu yahay mid guulaystay oo ay ka faaidysteen dhalinyaro badani.”

Mark Bowden mar wax laga weydiyay abaaraha Hordhaca ah ee xiligani soo aasibay qaar ka tirsan Gobolada Jamhuuriyada Somaliland ayaa waxa uu yidh “Waan ogsoonahay abaaraha xiligani ka jira qaybo ka mid ah Somaliland iyo weliba Soomaliya, balse waxaa jira qorshe aan u u diyaarinay in arrintaasi aan wax kaga qabano taasi oo dhinaca Somaliland aan iska kaashanayno hayada la dagaalanka masiibooyinka Dabiiciga ah ee NERAD waxaanan halkani ka xusi karaa inay jiri doonan mashaariic kale oo dheeraada kuwaasi oo hayadaha qaramada midoobay ay ka fulindoonan Somaliland gaar dhinacyada Bani aadanimada iyo amaankaba”

“Sanad ka hor ayay ahayd magaalada Burco markaan imi waqtigaasi oo aan u nimi kormeer aan ku soo samaynay goobaha dadka barakacayaasha ahi ay degan yihiin maanta waxaan dareemi karnaa horumar la taabankaro sida hirgalinta dhismayaasha jidadka ah ee xiligani laga hirgaliyay magaalada Burco taasi oo ah wax lagu farxo si weyna aan u soo dhaweynayno,”ayuu yidhi xidhiidhiyaha deeqaha aadaminimo u qaabilsan Somaliland iyo Soomaaliya.




Leave a Reply

Your email address will not be published. Required fields are marked *