Search

Iscasilaad Lama Filaan ah Oo Ra’isal Wasaarihii Dalka Giriiggu Ku Dhawaaqay

Atens(Foore) – Alexis Tsipras oo ah Ra’isal wasaaraha Dalka Giriigga, ayaa si lama fillaan ah ugu dhawaaqay inuu xilkaasi iska casilay, ka dib khudbad uu xalay ka jeediyay Telefishinka Qaranka dalkaasi.

Alexis-TsiprasRa’iisal Wasaaraha, ayaa khudbadaasi ku sheegay in warqadda istiqaaladiisa uu u gudbinaayo Madaxweynaha, isla-markaana la qaban doono doorasho qof iyo codkii ah, sida uu sheegay.

Ra’iisal Wasaaraha waxa uu bidhaamiyay inuu mahadinaayo inuu fuliyay waxyaabihii uu ballanqaaday, xilligii uu waday olalaha uu jegadaasi ugu soo baxay.

Sidoo kale wuxuu sheegay in dagaal adag uu la galay Wadamada Reer Galbeed ee daymaha ku leh dalkiisa, barnaamijkiisii la xidhiidhay gunti isu giijinta dhaqaalaha Gariiga.

Ra’iisal Wasaaraha, ayaa ku faanay in wada xaajoodyo badan ay la galeen Ururka Midowga Yurub, kuna saabsanaa wax ka bedel lagu sameeyo daymaha uu Ururku ku lee yahay dalkiisa.

Alexis Tsipras, ayaa qaba in waqtigan la jooggo xilligii dadka Gariiga ay go’aamin lahaayen mustaqbalka dalkooda, isla-markaana ay ka fekeran shakhsiga ay xilka ku aaminayan.

Mr. Tsipras, ayaa toddobaadyadii la soo dhaafay eedeymo xoogani kala kulmaayay Masuuliyiin Xisbigiisa ka tirsan, walow shacabka reer Gariig ay taageero ballaadhan u hayaan.




Leave a Reply

Your email address will not be published. Required fields are marked *